(按: 仍未計算當年1送1嘉宏的影響。)
http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130316/18196579
星期四前日早晨，獅子山學會行政總監王弼名字見報，就係在「蘋果日報」評論特區政府「經濟發展委員會」可能在必要時動用公帑直接投資一啲所謂「關鍵產業」，王弼擔心日後政府利用直接投資，變相利益輸送。
同王弼WhatsApp一輪，王弼話：「你寫錯咗，港燈市值係一千五百幾億！」一言驚醒夢中人，自己急急睇番段稿，果然係自己眼大睇過龍，市值係155.16b（三月十四日係153.13b），b係十億，應該乘以十，即係一千五百五十一億餘元，錯得咁離譜，必需在此更正，並向讀者道歉。
更正後，港燈市值在28年內上升18.48倍，增長率極快。1985年嘅香港股市總交易額係758億元，1986年急升至1231億元，2013年三月十三日嘅香港股市成交額已經係736億元，一日差不多等於1985年全年，與此比較，港燈市值增長又唔算太快噃。和黃在1985年一月買入港燈，1984年十二個月嘅月底平均恒生指數係1008點，今年三月十四日收22619點，比較之下，上升咗22.4倍。因引用數字甚多，搞到副刊編輯頭暈眼花，就此打住，結論就係港燈增長係快，但並不比恒生指數及大市增值得更多。
回頭講番特區政府經濟發展委員會嗰單，梁振英一再強調政府要「適度有為」，始終離不開干預企業之心，想話開拓一套工業政策，思維與葉劉淑儀大致相同，怪不得葉劉可以做行政會議成員，呢套思維源於亞洲四小龍之中，南韓、台灣、星加坡皆採用之。南韓搞出了「三星共和國」，大財閥壟斷南韓經濟。台灣搞出了「新竹科技園」，但整體經濟發展未見太突出。星加坡培養咗淡馬錫與政府投資基金，半扼殺了人民創業意願，三地政府有相同之處，就係長時間政府權力獨大，政府話乜就做乜，香港則從來無此條件，過往港英唔想做，回歸後政府管治能力下滑，公信力變弱，官員如何有力推動工業津貼優惠政策，向甚麼關鍵工業派福利？呢啲政策一旦真係推動，啲執行官員慎防百箭穿心！
http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130316/18196579
星期四前日早晨，獅子山學會行政總監王弼名字見報，就係在「蘋果日報」評論特區政府「經濟發展委員會」可能在必要時動用公帑直接投資一啲所謂「關鍵產業」，王弼擔心日後政府利用直接投資，變相利益輸送。
同王弼WhatsApp一輪，王弼話：「你寫錯咗，港燈市值係一千五百幾億！」一言驚醒夢中人，自己急急睇番段稿，果然係自己眼大睇過龍，市值係155.16b（三月十四日係153.13b），b係十億，應該乘以十，即係一千五百五十一億餘元，錯得咁離譜，必需在此更正，並向讀者道歉。
更正後，港燈市值在28年內上升18.48倍，增長率極快。1985年嘅香港股市總交易額係758億元，1986年急升至1231億元，2013年三月十三日嘅香港股市成交額已經係736億元，一日差不多等於1985年全年，與此比較，港燈市值增長又唔算太快噃。和黃在1985年一月買入港燈，1984年十二個月嘅月底平均恒生指數係1008點，今年三月十四日收22619點，比較之下，上升咗22.4倍。因引用數字甚多，搞到副刊編輯頭暈眼花，就此打住，結論就係港燈增長係快，但並不比恒生指數及大市增值得更多。
回頭講番特區政府經濟發展委員會嗰單，梁振英一再強調政府要「適度有為」，始終離不開干預企業之心，想話開拓一套工業政策，思維與葉劉淑儀大致相同，怪不得葉劉可以做行政會議成員，呢套思維源於亞洲四小龍之中，南韓、台灣、星加坡皆採用之。南韓搞出了「三星共和國」，大財閥壟斷南韓經濟。台灣搞出了「新竹科技園」，但整體經濟發展未見太突出。星加坡培養咗淡馬錫與政府投資基金，半扼殺了人民創業意願，三地政府有相同之處，就係長時間政府權力獨大，政府話乜就做乜，香港則從來無此條件，過往港英唔想做，回歸後政府管治能力下滑，公信力變弱，官員如何有力推動工業津貼優惠政策，向甚麼關鍵工業派福利？呢啲政策一旦真係推動，啲執行官員慎防百箭穿心！