按: 除了市值錯外，未計派息及1派1股嘉宏的影響
http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130314/18194130
沙膽虹在三月八日寫「賺得越來越盡」，講二十八年前（1985）一月，李嘉誠在希爾頓酒店（現長江中心）開記者招待會，宣佈從怡和集團買入34.6%港燈權益，作價29.05億元，去年港燈全年賺97.29億元，一年純利嘅三分一就已經係33.6億，超過當年購入價。沙膽虹嘅結論係：李嘉誠長和集團賺到盡，賺得越來越盡，言下似有貶意。
左丁山不以為然。近代公司理財理論，經濟理論，皆重視「利潤最大化」，「股東價值最大化」，用英文講就係Maximisation subject to constraints。蘋果將軍澳總部入口有一個佛利民像，佛利民係蘋果、壹傳媒集團嘅公司價值象徵，佛利民就有一句名言：The Social Responsibility of Business is to Increase its Profits，假如壹傳媒集團賺唔到錢，蝕本裁員，炒記者編輯魷魚嘅話，人手短缺，《蘋果日報》仲有乜能力揭露社會陰暗面，為民主吶喊，抵禦政治敵人打擊呀？印刷媒體飽受互聯網打擊，有得賺之時，賺少個崩都唔得。
講番二十八年前，怡和冇鬼用，賣咗港燈，將港燈估值83.96億元，讓和黃以29.05億元買入34.6%控制股權。三月十一日，上市公司名稱改為電能實業嘅香港電燈股價係72.7元，市值155.16億元，比1985年一月嘅估值增加1.848倍，惠及所有舊股東。其實港燈係公用事業，每年增長有限制，市值在28年內只增加1.84倍，複利增長率並不高，好難講話港燈賺到盡，只係勝在夠穩定，風險低，年年一定賺錢而已。試查1984年全年本港電力生產，係61120（兆焦耳），到咗2012年，全年本港電力生產係161,528（兆焦耳），28年內，電力生產增加2.64倍，因數字不劃分九龍香港，唔知港燈佔咗幾多，但相信一定低於五成，故此港燈由1985至2012年之利潤及市值增長速度，其實超越不了電力生產增長速度，點睇都唔係賺到盡，故此沙膽虹之言，並不慮及通脹及整體經濟膨脹。再睇1985年之名義本地生產總值（Nominal GDP），1984年全年係2502.4億元，2013年名義本地生產總值係21000億元左右，增長8.39倍，由此可見，港燈並不是最賺錢工具，屬於真真正正嘅公用事業，買股票要有此認識，電力公司唔會係增長股，長和集團若非懂得利用港燈土地資源，買港燈呢筆投資一定跑輸大市。
http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130314/18194130
沙膽虹在三月八日寫「賺得越來越盡」，講二十八年前（1985）一月，李嘉誠在希爾頓酒店（現長江中心）開記者招待會，宣佈從怡和集團買入34.6%港燈權益，作價29.05億元，去年港燈全年賺97.29億元，一年純利嘅三分一就已經係33.6億，超過當年購入價。沙膽虹嘅結論係：李嘉誠長和集團賺到盡，賺得越來越盡，言下似有貶意。
左丁山不以為然。近代公司理財理論，經濟理論，皆重視「利潤最大化」，「股東價值最大化」，用英文講就係Maximisation subject to constraints。蘋果將軍澳總部入口有一個佛利民像，佛利民係蘋果、壹傳媒集團嘅公司價值象徵，佛利民就有一句名言：The Social Responsibility of Business is to Increase its Profits，假如壹傳媒集團賺唔到錢，蝕本裁員，炒記者編輯魷魚嘅話，人手短缺，《蘋果日報》仲有乜能力揭露社會陰暗面，為民主吶喊，抵禦政治敵人打擊呀？印刷媒體飽受互聯網打擊，有得賺之時，賺少個崩都唔得。
講番二十八年前，怡和冇鬼用，賣咗港燈，將港燈估值83.96億元，讓和黃以29.05億元買入34.6%控制股權。三月十一日，上市公司名稱改為電能實業嘅香港電燈股價係72.7元，市值155.16億元，比1985年一月嘅估值增加1.848倍，惠及所有舊股東。其實港燈係公用事業，每年增長有限制，市值在28年內只增加1.84倍，複利增長率並不高，好難講話港燈賺到盡，只係勝在夠穩定，風險低，年年一定賺錢而已。試查1984年全年本港電力生產，係61120（兆焦耳），到咗2012年，全年本港電力生產係161,528（兆焦耳），28年內，電力生產增加2.64倍，因數字不劃分九龍香港，唔知港燈佔咗幾多，但相信一定低於五成，故此港燈由1985至2012年之利潤及市值增長速度，其實超越不了電力生產增長速度，點睇都唔係賺到盡，故此沙膽虹之言，並不慮及通脹及整體經濟膨脹。再睇1985年之名義本地生產總值（Nominal GDP），1984年全年係2502.4億元，2013年名義本地生產總值係21000億元左右，增長8.39倍，由此可見，港燈並不是最賺錢工具，屬於真真正正嘅公用事業，買股票要有此認識，電力公司唔會係增長股，長和集團若非懂得利用港燈土地資源，買港燈呢筆投資一定跑輸大市。