http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20121222/18109550
國泰航空加薪2%，同屬太古集團嘅港機工程加薪5.5%，報紙話「同人唔同命」。其實間間公司嘅環境都唔同，加薪冇話可以統一幅度嘅。本欄在星期三講藍領薪水將來會增加得快過白領，就係基於供求定律，國泰航空每次招聘空姐，申請人大排長龍，《蘋果日報》影過唔少相片，證明空姐供過於求，但係港機工程就難以請人，曾發過營運聲明指工人不足，有單不能接，變相發出盈警。根據簡單需求原理，在不同環境經營，港機梗係要加薪加得多，國泰加薪係咁意加些少啦。工會如果想憑罷工迫使資方就範，美國有聯美（UA），日本有日航（JAL），前車可鑑，一定係勞資雙方攬住死。
只有政府有納稅人嘅錢可用，慷他人之慨，可不依市場規則辦事，公務員嘅薪酬每年例牌根據甚麼私人部門薪酬趨勢調查，作為加薪參考，譬如分高中低三層，只要調查顯示私人部門加薪多少，政府就照加，幾乎係有多冇少，公務員稱之為牢不可破之鐵律。
呢，公務員薪俸及服務條件常務委員會（薪常會）發表一份報告，指公僕之中，大學生及基層公務員兩個職系嘅薪酬，高於私人市場約8.8%至11.7%，以大學生為例，公家薪水比私人機構薪水高出2,000元。咁樣，呢兩類公務員嘅薪酬駛唔駛削減呀？
點知官字有兩個口，薪常會認為，為免減低公務員士氣，吸收人才，向社會起良好示範作用，不建議調低薪酬，應維持不變！要明白何謂「輸打贏要」，此乃最佳示範。私人薪酬高啲，政府要加薪，以吸引及留住人才；私人薪酬低啲，政府要維持原薪，以吸引及留住人才，總之政府公職人員嘅人工只許加、不許減，大學生及基層工人唔爭住去考政府工，就係笨蛋，尤其是愈係低層，入政府愈有着數，除人工較高外，更可準時放工，唔怕炒魷魚，假期一定有。呢日碰到靚女A，恭喜佢上個月新婚愉快，順口問一句：「學曉買餸煮飯未？」佢咭一聲笑出來：「周末有同老公一齊去買餸嘅，星期一至五就梗係老公煮飯，因為佢在半官方機構工作，沿用政府規矩，六點前一定可以收工。我呀，晚晚做到七八點都未可以離開中環呀！」真好，靚女要嫁之時，似乎搵位公僕男友有着數。
國泰航空加薪2%，同屬太古集團嘅港機工程加薪5.5%，報紙話「同人唔同命」。其實間間公司嘅環境都唔同，加薪冇話可以統一幅度嘅。本欄在星期三講藍領薪水將來會增加得快過白領，就係基於供求定律，國泰航空每次招聘空姐，申請人大排長龍，《蘋果日報》影過唔少相片，證明空姐供過於求，但係港機工程就難以請人，曾發過營運聲明指工人不足，有單不能接，變相發出盈警。根據簡單需求原理，在不同環境經營，港機梗係要加薪加得多，國泰加薪係咁意加些少啦。工會如果想憑罷工迫使資方就範，美國有聯美（UA），日本有日航（JAL），前車可鑑，一定係勞資雙方攬住死。
只有政府有納稅人嘅錢可用，慷他人之慨，可不依市場規則辦事，公務員嘅薪酬每年例牌根據甚麼私人部門薪酬趨勢調查，作為加薪參考，譬如分高中低三層，只要調查顯示私人部門加薪多少，政府就照加，幾乎係有多冇少，公務員稱之為牢不可破之鐵律。
呢，公務員薪俸及服務條件常務委員會（薪常會）發表一份報告，指公僕之中，大學生及基層公務員兩個職系嘅薪酬，高於私人市場約8.8%至11.7%，以大學生為例，公家薪水比私人機構薪水高出2,000元。咁樣，呢兩類公務員嘅薪酬駛唔駛削減呀？
點知官字有兩個口，薪常會認為，為免減低公務員士氣，吸收人才，向社會起良好示範作用，不建議調低薪酬，應維持不變！要明白何謂「輸打贏要」，此乃最佳示範。私人薪酬高啲，政府要加薪，以吸引及留住人才；私人薪酬低啲，政府要維持原薪，以吸引及留住人才，總之政府公職人員嘅人工只許加、不許減，大學生及基層工人唔爭住去考政府工，就係笨蛋，尤其是愈係低層，入政府愈有着數，除人工較高外，更可準時放工，唔怕炒魷魚，假期一定有。呢日碰到靚女A，恭喜佢上個月新婚愉快，順口問一句：「學曉買餸煮飯未？」佢咭一聲笑出來：「周末有同老公一齊去買餸嘅，星期一至五就梗係老公煮飯，因為佢在半官方機構工作，沿用政府規矩，六點前一定可以收工。我呀，晚晚做到七八點都未可以離開中環呀！」真好，靚女要嫁之時，似乎搵位公僕男友有着數。