首先教師醫生都可以係壞人，佢有錢都可以唔交租，你係咪諗住因為幾萬蚊就賣報紙唱衰個醫生同佢同歸於盡? 現時不少業主都會抽每年時間搵日上租客屋企食個飯，睇下自己間樓，順便打探下一張租約同唔同佢簽。總之除左牧師之外，諗樣於醫生, 律師, 教師行業都遇上過成身卡數，或行為怪異之輩，請名以職業取信於人。有時係該屋苑搵個租開樓既3人家庭，仲穩陣過租比一個成日要飛的律師。所謂物以類聚，如果你係好人一個，不難搵到個好的經經介紹個好租客比你。
另一點是，現有單位不是供滿5成先就可以出租。當然讀者可能已知，就是當單位按揭結欠少於樓價一半時，要同借貸銀行講明將物業用途轉為出租方可合規租予客人。一可以入紙同銀行申請，二是將成間樓轉按及在銀行做文件時申報出租用途。此問題在交流會中有人問及，所以在此一提，不是因為讀者來文而提出。
至於讀者比諗樣感覺是，精打細算，步步為營之女仕。當然人是要見面及交談才能有個真概念。如讀者是大膽之人，相信住係奧運站有間六百餘萬之兩房，不足為奇。兩人入息為$50k，借貸力為50000/10000*50%*2.59=6.4mil，加按後要供按揭$11000，而借款力已用了44%，在此旺市王宜再加碼入市。加上獅子銀行將全球性裁員，又不停打算將旗下子公司出售，為短期執靚盤數著想，反而害苦了在銀行界工作的讀者。還是做好部署等待時期。
由於收入水平不高也不低，建議「借得盡些少」，現有自住樓加按至七成，套出更多資金。在此亂世太保守也是個罪過。另外先生的position十分好，未有樓「上身」，可以下次先用九成買入自住新居，現有住宅就租出去，你是可以做擔保，因而不觸發雙倍從價印花稅那回事的。做擔保人和業主不同，只有義務而從無權利可言，極其量多筆人情債係手。萬一債仔走數，連該銀行信用卡筆數都要幫佢填埋，比為all-monies obligation。