http://manincentral.blogspot.hk/2013/05/blog-post.html
早前某晚親戚食飯，講起表妹Ashley跟佢男朋友既感情事。
姨媽：「阿女，查實你同阿Brian都拍咗好多年拖啦…幾多年話？」
姨丈：「四年半呀，老婆。」
姨媽：「拍咗咁多年，應該要拉埋㗎啦。我都唔知你地拖乜嘢！」
Ashley：「媽，唔好講呢啲啦好嘛？我同Brian有分數㗎啦。」
「係啦家姐！」一向口多既表弟Anson也加把口：「你都唔後生啦，掹車邊都算係中女啦，仲唔嫁，遲啲又老又醜果陣，Brian唔要你架啦。」
姨媽：「阿仔呢次就講得冇錯啦。阿女，你廿八架啦，過咗三十仲唔嫁，你就濕滯啦。」
姨丈：「係呀係呀，女，你聽你阿媽講啦。」
Ashley：「有乜咁濕滯呀？Brian同我感情一路都穩定，遲啲早啲結婚，冇所謂啦。而且Brian事業岩岩先有啲起色，男人呢個時候，梗係要專注事業先啦。」
Anson:「呵呵，原來唔係有人唔想嫁，實際上係有人唔肯娶…」
Ashley怒目一瞪:「細佬，你講咩呀！」
姨媽：「事業事業，要Brian事業有成先娶你過門，等到幾時呀？而且男人有咗事業有錢就容易身痕㗎啦！到時阿女你人又老又唔吸引，Brian係男人，反而越老越有吸引力，你衣家唔結婚，Brian到時實飛起你呀，女！」
Ashley：「Brian唔係咁既人呀，媽…」
姨媽：「女，同Brian講快啲拉埋啦。拍拖拍得耐，唔拉埋就散梗架啦。個個男人都係咁架…」
Ashley向我露出一個「求救」既眼神。
「姨媽，未必既。」我循例開句聲幫一幫Ashley口：「Ashley大個女佢識諗架啦。而且Brian份人好專一既，應該會係例外既。」
Ashley突然搶住講：「係囉，凡事都有例外丫嘛！你睇表哥同Stephy姐？你都睇住佢地拍拖拍咗成十幾年先拉埋啦，咪一樣冇問題？」
姨媽突然用有點兇的眼神睥住我，彷彿我好唔應該出現於這個飯局之中。
*****
老婆同我會拍到十幾年拖先結婚，其中既原因，故然係因為我地「開始」既時候仲係好細。要「捱」到去適婚年齡都要捱好一段日子。但係問心講，我曾經係好希望能夠早一點娶佢過門的。
拍拖拍得耐，自然身邊會有大堆多口既姨媽姑姐催你結婚。Ashley同Brian拍咗四年都已經俾人催婚，Stephy同我拍拖既時間比佢地還要長得多，當年所受到既「群眾壓力」自然更加厲害。當大家當年都響道問我老婆：「點解CK同你拍咗咁耐都唔拉埋天窗」既時候，我自然明白，佢受到既壓力必定唔會少的。
然而，又點解要拖咁耐？
像我呢種冇乜料到既小男人，多少係自卑既。老婆既事業一直發展得比我好，我既事業，則響二十幾歲既時候浮浮沉沉，停滯不前。果個時候，結婚對我黎講，係一件好想逃避既事。我唔係唔想早啲娶Stephy，只係見到自己既事業一塌糊塗，一諗起如果呢個時候結婚，我唔知點樣負擔。冇理由，結婚同婚後既開支，要女朋友負責掛？
也許Stephy唔介意，但小男人既特質係，既自卑又自尊心重。有些事情，接受唔到就係接受唔到。
冇自信既人有一個通病，就係明明冇人睇唔起自己，但自卑感作祟既情況之下，卻又總係「形住」個個背後都會睇你唔起。特別係，一個廿十幾歲，腦唇都未生埋，冇事業冇前途既毒男，忽然遇上有個揸住Benz跑既年輕才俊走嚟溝你條女既時候。果一份自卑感，當堂湧晒出黎，湧到一地都係。
望見Brian同Ashley既拖拉，我見到當日既CK同Stephy。
*****
因為暴雨既關係，飛機延誤了。
我響飛機上面，睇完咗那本《男人唔可以窮》。真的，雖然明知係故仔，但感受和共鳴依然很深。
坐響我身旁既Stephy對我呢本讀物很好奇，趁住還未落機，我就簡單將書中既故事講咗俾佢聽。
「老公，你近來寫啲嘢，越黎越悶啦。」Stephy聽完我講之後說：「不如轉下口味，試吓寫第二啲嘢啦。」
「hmmm，例如寫下愛情小說咁啦。好多小妹妹會鐘意睇的。」
「傻架咩？我成世人得你一個女朋友，愛情經驗接近零，點識寫呀？」
「唔試過點知唔得呢？」
「寫咗都冇人會睇啦。」
「你真係寫咗出黎先知有冇人睇丫嘛。」
「寫咗冇人睇，好瘀皮架。」
「車！你成世人都係咁要面既。」
「一係咁丫，我將呢個諗法po上facebook，如果呃到一萬幾千個like，我就諗下寫囉。」
「算把啦你。老公，查實你同以前一樣，真係冇乜點變。」
嘿嘿，好明顯，呢句「冇變」既comment，應該唔係一個讚美。
早前某晚親戚食飯，講起表妹Ashley跟佢男朋友既感情事。
姨媽：「阿女，查實你同阿Brian都拍咗好多年拖啦…幾多年話？」
姨丈：「四年半呀，老婆。」
姨媽：「拍咗咁多年，應該要拉埋㗎啦。我都唔知你地拖乜嘢！」
Ashley：「媽，唔好講呢啲啦好嘛？我同Brian有分數㗎啦。」
「係啦家姐！」一向口多既表弟Anson也加把口：「你都唔後生啦，掹車邊都算係中女啦，仲唔嫁，遲啲又老又醜果陣，Brian唔要你架啦。」
姨媽：「阿仔呢次就講得冇錯啦。阿女，你廿八架啦，過咗三十仲唔嫁，你就濕滯啦。」
姨丈：「係呀係呀，女，你聽你阿媽講啦。」
Ashley：「有乜咁濕滯呀？Brian同我感情一路都穩定，遲啲早啲結婚，冇所謂啦。而且Brian事業岩岩先有啲起色，男人呢個時候，梗係要專注事業先啦。」
Anson:「呵呵，原來唔係有人唔想嫁，實際上係有人唔肯娶…」
Ashley怒目一瞪:「細佬，你講咩呀！」
姨媽：「事業事業，要Brian事業有成先娶你過門，等到幾時呀？而且男人有咗事業有錢就容易身痕㗎啦！到時阿女你人又老又唔吸引，Brian係男人，反而越老越有吸引力，你衣家唔結婚，Brian到時實飛起你呀，女！」
Ashley：「Brian唔係咁既人呀，媽…」
姨媽：「女，同Brian講快啲拉埋啦。拍拖拍得耐，唔拉埋就散梗架啦。個個男人都係咁架…」
Ashley向我露出一個「求救」既眼神。
「姨媽，未必既。」我循例開句聲幫一幫Ashley口：「Ashley大個女佢識諗架啦。而且Brian份人好專一既，應該會係例外既。」
Ashley突然搶住講：「係囉，凡事都有例外丫嘛！你睇表哥同Stephy姐？你都睇住佢地拍拖拍咗成十幾年先拉埋啦，咪一樣冇問題？」
姨媽突然用有點兇的眼神睥住我，彷彿我好唔應該出現於這個飯局之中。
*****
老婆同我會拍到十幾年拖先結婚，其中既原因，故然係因為我地「開始」既時候仲係好細。要「捱」到去適婚年齡都要捱好一段日子。但係問心講，我曾經係好希望能夠早一點娶佢過門的。
拍拖拍得耐，自然身邊會有大堆多口既姨媽姑姐催你結婚。Ashley同Brian拍咗四年都已經俾人催婚，Stephy同我拍拖既時間比佢地還要長得多，當年所受到既「群眾壓力」自然更加厲害。當大家當年都響道問我老婆：「點解CK同你拍咗咁耐都唔拉埋天窗」既時候，我自然明白，佢受到既壓力必定唔會少的。
然而，又點解要拖咁耐？
像我呢種冇乜料到既小男人，多少係自卑既。老婆既事業一直發展得比我好，我既事業，則響二十幾歲既時候浮浮沉沉，停滯不前。果個時候，結婚對我黎講，係一件好想逃避既事。我唔係唔想早啲娶Stephy，只係見到自己既事業一塌糊塗，一諗起如果呢個時候結婚，我唔知點樣負擔。冇理由，結婚同婚後既開支，要女朋友負責掛？
也許Stephy唔介意，但小男人既特質係，既自卑又自尊心重。有些事情，接受唔到就係接受唔到。
冇自信既人有一個通病，就係明明冇人睇唔起自己，但自卑感作祟既情況之下，卻又總係「形住」個個背後都會睇你唔起。特別係，一個廿十幾歲，腦唇都未生埋，冇事業冇前途既毒男，忽然遇上有個揸住Benz跑既年輕才俊走嚟溝你條女既時候。果一份自卑感，當堂湧晒出黎，湧到一地都係。
望見Brian同Ashley既拖拉，我見到當日既CK同Stephy。
*****
因為暴雨既關係，飛機延誤了。
我響飛機上面，睇完咗那本《男人唔可以窮》。真的，雖然明知係故仔，但感受和共鳴依然很深。
坐響我身旁既Stephy對我呢本讀物很好奇，趁住還未落機，我就簡單將書中既故事講咗俾佢聽。
「老公，你近來寫啲嘢，越黎越悶啦。」Stephy聽完我講之後說：「不如轉下口味，試吓寫第二啲嘢啦。」
「hmmm，例如寫下愛情小說咁啦。好多小妹妹會鐘意睇的。」
「傻架咩？我成世人得你一個女朋友，愛情經驗接近零，點識寫呀？」
「唔試過點知唔得呢？」
「寫咗都冇人會睇啦。」
「你真係寫咗出黎先知有冇人睇丫嘛。」
「寫咗冇人睇，好瘀皮架。」
「車！你成世人都係咁要面既。」
「一係咁丫，我將呢個諗法po上facebook，如果呃到一萬幾千個like，我就諗下寫囉。」
「算把啦你。老公，查實你同以前一樣，真係冇乜點變。」
嘿嘿，好明顯，呢句「冇變」既comment，應該唔係一個讚美。