http://manincentral.blogspot.hk/2013/03/blog-post.html
「會唔會有啲唔公平呢？」一陣沉默之後，Herman終於開口：「始終女同事冇做錯到而要受到懲罰…」
「之前我哋咪講開，當你地走入現實嘅商業社會，要有乜嘢心理準備？」我心呼吸：「第一樣要有準備嘅，係有關『公平』。」
「唉，都知道商業社會冇公平架啦…」Carol衝口而出：「我屋企人成日都話天秤永遠只會向老闆果邊傾斜。」
「我唔知你屋企人點解講到咁灰。」我跟Carol笑了笑：「不過你地必須要明白，一件事公平與否，決定性既因素，係你企響邊一個角度去睇。」
「你哋理所當然地代入左呢位有病嘅同事嘅角度去睇呢件事，自然覺得唔公平吧。你地又不如嘗試代入，佢身邊既同事既角度感受一下：同你一齊工作既同事，係一個慣性每個禮拜都有一、兩日唔見咗人既夥伴。佢同你拎緊同一份糧，但你就因為佢成日放假，而要額外揹起更多嘅工作量。咁樣對你又公唔公平？」
「咁減果個有病嘅女同事人工咪會公平囉…」Herman反應有點像條件反射。
「Herman，如果你認為將佢辭退係僱主俾佢既懲罰的話…」我說：「莫非減佢人工又唔算係懲罰？」
假如好似Herman所講，一個人冇做錯事就唔應該得到所謂「懲罰」的話，由「被辭退」改變為「減人工」，同樣都唔合乎邏輯。不同既，也許只係你個心覺得稍為好過一啲。其實係自欺欺人吧。
Herman同Carol互相對望了一眼。
「第二件事我覺得值得你地有心理準備嘅…係你既上司同老闆，其實係冇資格懲罰你的。」我說。
「老闆可以炒你魷，又可以決定你人工有冇得加，咁都唔算有資格懲罰你？」Carol怪叫。
「咁你劈炮唔撈，又算唔算係你懲罰緊你老細？」我問。
「中國人既教育，總係不自覺地滲透咗好多尊卑、階級等概念響入面。讀書既時候，你既老師可以懲罰你，罰你抄又罰你企，罰你係因為你『做錯事』，而罰你既人則係一個響階級上比你高既人。呢個邏輯好似理所當然咁，但係商業社會係徹徹底底既另一回事。即使老闆每月出糧俾你，佢同你既真正關係，都只不過係『互惠互利』，講得白一啲，係交易。打工仔付出勞力腦汁，老闆付出金錢，銀貨兩訖，就係咁簡單。你地係交易既雙方，冇可能存在住『懲罰別人』與『被懲罰』既element響入面。」
「但係老闆既決定，可以影響你前途嘛…」Sophie的聲線依然異常柔弱。
「你既前途，唔係因為老闆既決定而受影響架。」我嘆了口氣：「你既前途，係由你自己有幾多料子去決定架。冇錯，社會上的確有好多冇眼光既老闆，又或者刻意留難你既上司。有料既人永遠唔會怕呢啲上司，因為佢知道，即使呢個老闆唔like你，出面總會有其他老細會buy自己。人既前途，唔會只因為一個半個同你夾唔黎既上司而被搞砸的。」
「唔係喎…」Carol眼神有點疑惑：「我屋企人成日講，出面啲老細個個都都係好唔識貨，永遠都唔珍惜啲有料嘅人，淨係鍾意啲擦鞋仔…」
「哈哈！」我心裡似乎越來越feel到Carol口中既屋企人係個點樣既人：「不如咁講。一個人遇到一個半個唔賞識自己既老闆，也許係人夾人緣既問題。但係如果個個都唔buy你，不停地『懷材不遇』，我諗果個人就應該稍稍望真啲自己：會唔會其實係高估咗自己有幾多料？」
講遠咗了。其實講咗咁耐，只係想講，老闆同僱員既關係，只係一買一賣。聘請你同唔聘請你，加你人工又甚至係炒你魷魚，講到尾都係由買賣雙方既供求關係所主導，當中並唔存在甚麼懲罰同獎勵。唔需要亦唔應該take it too personal。當然，你要有好既前途，你就必須model自己成為一件響人力市場上既搶手商品。
也許我說話能力有點拙劣吧，幾位同學們似乎唔係好明我剛才所講既話。
明也好，唔明也好，我也只能繼續講埋落去。
「其實最想講你地知既所謂心理準備…係以下呢一樣。」
「商業社會，在乎既，只會係結果。」
這個「東西」，我是有很深既體會。有些人會覺得只在乎「結果」係膚淺既表現，也許是吧。但商業社會從來都膚淺，冇人要響殘酷既商業世界裡面尋求高深的。
「果位有病既女同事…」Sophie說：「即使冇犯錯都要炒，係咪因為佢唔能夠俾到應有既結果你？」
我點了點頭，終於有人明我講乜了。
「也許係好殘忍既，但係當你俾唔到應有既結果俾僱主既時候，你原則上就冇留低既價值。不管你過程當中有冇犯錯，付出過幾多努力都好，僱主去衡量你既價值既時候，永遠只會睇，你能夠帶到啲乜嘢結果俾佢地。」
當我提出呢個「有病女同事」既問題果陣，幾位同學都將個focus放響，女同事既病假，到底係真還是假之上。老實講，同事向我告病假，我根本冇興趣知道，佢地到底係真病還是假病。我只係想知道，佢地到底有冇能力完成佢地應有既工作。講真，大家都係成年人，你向我告得病假，我就相信你係「有需要」放假，如果我刻意去懷疑你係唔係詐病，其實也太過唔尊重了吧。只係如果你告假頻頻，你既健康狀況仲係咪適合去應付一份一個星期五天既全職工作？將你辭退，絕對唔係幼稚地要報復式地懲罰你告太多病假，更加唔係去質疑你有冇犯錯，或者質疑你既工作態度。辭退既決定，只係因為你已經冇能力履行工作既內容，你冇辦法可以俾到我所需要既結果俾我。
響校園裡面，一切剛剛相反。老師會同你講，結果唔係最重要，只要你有盡力，過程裡面有努力過，即使最後失敗做唔到，大家都「唔會怪你」。道德上這大概並沒有錯，但係經過多年響校園裡面不斷被灌輸如此概念之後，畢業生忽然要行入現實既商業社會，適應必定係異常困難。我見過唔少年輕既同事們，不斷追求「過程冇錯」，又或者不斷向上司同老闆，展現自己響過程當中「曾經盡力」，但反而忽略了最重要既「結果」。到事情最終失敗，佢地被老闆上司放棄既時候，仍然不明所以。
我自知長篇大論，大概把幾位同學都悶親。還是草草打了個完場，交換了個電郵地址以方便日後聯絡，便揮手道別了。
「CK…我其實有啲好奇。」Sophie臨走前用她柔弱的聲線問：「其實你當日辭退果位女同事既過程係點架？」
「這個嘛…」我有點吞吞吐吐：「當日我初初出黎做生意，坦白講亦都冇我講得咁瀟灑既。其實試過唔同既方法，睇下可唔可以調佢去另一啲佢應付到既崗位。不過搞咗一大餐，到頭黎都係事與願違。今日睇番轉頭，都不知覺得自己當日做得幾咁拖泥帶水。」
「係？」Herman同Carol大概因為我說話太悶，早早就走得老遠。剩下只有Sophie：「不如講俾我聽丫…」
嘩，好長篇架喎細路女。
當年呢個最後都係失敗既決定，今日睇番，都真係覺得自己好—很—低—能。(完)
「會唔會有啲唔公平呢？」一陣沉默之後，Herman終於開口：「始終女同事冇做錯到而要受到懲罰…」
「之前我哋咪講開，當你地走入現實嘅商業社會，要有乜嘢心理準備？」我心呼吸：「第一樣要有準備嘅，係有關『公平』。」
「唉，都知道商業社會冇公平架啦…」Carol衝口而出：「我屋企人成日都話天秤永遠只會向老闆果邊傾斜。」
「我唔知你屋企人點解講到咁灰。」我跟Carol笑了笑：「不過你地必須要明白，一件事公平與否，決定性既因素，係你企響邊一個角度去睇。」
「你哋理所當然地代入左呢位有病嘅同事嘅角度去睇呢件事，自然覺得唔公平吧。你地又不如嘗試代入，佢身邊既同事既角度感受一下：同你一齊工作既同事，係一個慣性每個禮拜都有一、兩日唔見咗人既夥伴。佢同你拎緊同一份糧，但你就因為佢成日放假，而要額外揹起更多嘅工作量。咁樣對你又公唔公平？」
「咁減果個有病嘅女同事人工咪會公平囉…」Herman反應有點像條件反射。
「Herman，如果你認為將佢辭退係僱主俾佢既懲罰的話…」我說：「莫非減佢人工又唔算係懲罰？」
假如好似Herman所講，一個人冇做錯事就唔應該得到所謂「懲罰」的話，由「被辭退」改變為「減人工」，同樣都唔合乎邏輯。不同既，也許只係你個心覺得稍為好過一啲。其實係自欺欺人吧。
Herman同Carol互相對望了一眼。
「第二件事我覺得值得你地有心理準備嘅…係你既上司同老闆，其實係冇資格懲罰你的。」我說。
「老闆可以炒你魷，又可以決定你人工有冇得加，咁都唔算有資格懲罰你？」Carol怪叫。
「咁你劈炮唔撈，又算唔算係你懲罰緊你老細？」我問。
「中國人既教育，總係不自覺地滲透咗好多尊卑、階級等概念響入面。讀書既時候，你既老師可以懲罰你，罰你抄又罰你企，罰你係因為你『做錯事』，而罰你既人則係一個響階級上比你高既人。呢個邏輯好似理所當然咁，但係商業社會係徹徹底底既另一回事。即使老闆每月出糧俾你，佢同你既真正關係，都只不過係『互惠互利』，講得白一啲，係交易。打工仔付出勞力腦汁，老闆付出金錢，銀貨兩訖，就係咁簡單。你地係交易既雙方，冇可能存在住『懲罰別人』與『被懲罰』既element響入面。」
「但係老闆既決定，可以影響你前途嘛…」Sophie的聲線依然異常柔弱。
「你既前途，唔係因為老闆既決定而受影響架。」我嘆了口氣：「你既前途，係由你自己有幾多料子去決定架。冇錯，社會上的確有好多冇眼光既老闆，又或者刻意留難你既上司。有料既人永遠唔會怕呢啲上司，因為佢知道，即使呢個老闆唔like你，出面總會有其他老細會buy自己。人既前途，唔會只因為一個半個同你夾唔黎既上司而被搞砸的。」
「唔係喎…」Carol眼神有點疑惑：「我屋企人成日講，出面啲老細個個都都係好唔識貨，永遠都唔珍惜啲有料嘅人，淨係鍾意啲擦鞋仔…」
「哈哈！」我心裡似乎越來越feel到Carol口中既屋企人係個點樣既人：「不如咁講。一個人遇到一個半個唔賞識自己既老闆，也許係人夾人緣既問題。但係如果個個都唔buy你，不停地『懷材不遇』，我諗果個人就應該稍稍望真啲自己：會唔會其實係高估咗自己有幾多料？」
講遠咗了。其實講咗咁耐，只係想講，老闆同僱員既關係，只係一買一賣。聘請你同唔聘請你，加你人工又甚至係炒你魷魚，講到尾都係由買賣雙方既供求關係所主導，當中並唔存在甚麼懲罰同獎勵。唔需要亦唔應該take it too personal。當然，你要有好既前途，你就必須model自己成為一件響人力市場上既搶手商品。
也許我說話能力有點拙劣吧，幾位同學們似乎唔係好明我剛才所講既話。
明也好，唔明也好，我也只能繼續講埋落去。
「其實最想講你地知既所謂心理準備…係以下呢一樣。」
「商業社會，在乎既，只會係結果。」
這個「東西」，我是有很深既體會。有些人會覺得只在乎「結果」係膚淺既表現，也許是吧。但商業社會從來都膚淺，冇人要響殘酷既商業世界裡面尋求高深的。
「果位有病既女同事…」Sophie說：「即使冇犯錯都要炒，係咪因為佢唔能夠俾到應有既結果你？」
我點了點頭，終於有人明我講乜了。
「也許係好殘忍既，但係當你俾唔到應有既結果俾僱主既時候，你原則上就冇留低既價值。不管你過程當中有冇犯錯，付出過幾多努力都好，僱主去衡量你既價值既時候，永遠只會睇，你能夠帶到啲乜嘢結果俾佢地。」
當我提出呢個「有病女同事」既問題果陣，幾位同學都將個focus放響，女同事既病假，到底係真還是假之上。老實講，同事向我告病假，我根本冇興趣知道，佢地到底係真病還是假病。我只係想知道，佢地到底有冇能力完成佢地應有既工作。講真，大家都係成年人，你向我告得病假，我就相信你係「有需要」放假，如果我刻意去懷疑你係唔係詐病，其實也太過唔尊重了吧。只係如果你告假頻頻，你既健康狀況仲係咪適合去應付一份一個星期五天既全職工作？將你辭退，絕對唔係幼稚地要報復式地懲罰你告太多病假，更加唔係去質疑你有冇犯錯，或者質疑你既工作態度。辭退既決定，只係因為你已經冇能力履行工作既內容，你冇辦法可以俾到我所需要既結果俾我。
響校園裡面，一切剛剛相反。老師會同你講，結果唔係最重要，只要你有盡力，過程裡面有努力過，即使最後失敗做唔到，大家都「唔會怪你」。道德上這大概並沒有錯，但係經過多年響校園裡面不斷被灌輸如此概念之後，畢業生忽然要行入現實既商業社會，適應必定係異常困難。我見過唔少年輕既同事們，不斷追求「過程冇錯」，又或者不斷向上司同老闆，展現自己響過程當中「曾經盡力」，但反而忽略了最重要既「結果」。到事情最終失敗，佢地被老闆上司放棄既時候，仍然不明所以。
我自知長篇大論，大概把幾位同學都悶親。還是草草打了個完場，交換了個電郵地址以方便日後聯絡，便揮手道別了。
「CK…我其實有啲好奇。」Sophie臨走前用她柔弱的聲線問：「其實你當日辭退果位女同事既過程係點架？」
「這個嘛…」我有點吞吞吐吐：「當日我初初出黎做生意，坦白講亦都冇我講得咁瀟灑既。其實試過唔同既方法，睇下可唔可以調佢去另一啲佢應付到既崗位。不過搞咗一大餐，到頭黎都係事與願違。今日睇番轉頭，都不知覺得自己當日做得幾咁拖泥帶水。」
「係？」Herman同Carol大概因為我說話太悶，早早就走得老遠。剩下只有Sophie：「不如講俾我聽丫…」
嘩，好長篇架喎細路女。
當年呢個最後都係失敗既決定，今日睇番，都真係覺得自己好—很—低—能。(完)