最近馬雲間阿里巴巴，負面新聞纏身，既被《華爾街日報》踢爆銷量造假，仲得罪埋工商總局，指淘寶充斥假貨。過去3個多月阿里巴巴市值大跌近千億美元，馬雲個大頭可能又要大多一圈。
呢幾年馬雲搞上市，都好大犧牲。佢好友向小宗爆料，話馬雲獨子馬元坤去年已過身。馬元坤有罕見腦病，呢幾年復發。去年病重時，正係馬雲搞阿里巴巴上市最忙時候。不過馬雲身邊人就讚佢夠硬淨，經歷人生最痛時，在工作上仍揮灑自如，不流露半點脆弱。馬雲好少講家事，佢私事都只係網上流傳。如馬元坤二十多歲，美國讀書。曾經因為沉迷打機，要阿媽張瑛辭份工留屋企教仔等等。其實馬雲對教育好緊，佢以前教英文出身，曾講過小孩子要學一千個東方文化及一千個西方文化經典故事，仲要培育好體育，激發團隊精神、領導力及意志力等等。馬雲咁有韌力，仲唔係 人辦？
地盤放煙花響朵
中央打貪，國內地產商都要避風頭，富力地產每年都會請高級員工坐私人飛機外遊兼考察，原定今年農曆年去土耳其，住超豪五星級酒店，後來「縮皮」改去海南島。 小宗支「海南針」報料，話富力呢次周年旅行，順便視察公司大舉投資陵水海洋主題公園，夜晚的節目是由酒店侍應端上小吃，然後安坐地盤睇放煙花，但個個睇到唔食，因為個口掛住「嘩！嘩！嘩」 ，呢場煙花所費不菲，但廣告之效不能量化。農曆年間大陸各省市富豪都湧到海南島，見過呢場煙花又點會唔識富力個朵？呢招似曾相識，九七回歸時，新地贊助青馬橋放煙花，奠定其新界西北地產王之位，唔好話抄橋，地產商互相觀摩。
全城公投
投票將於三月廿四日香港時間正午十二時結束。結果將於下期公布。只接受電郵投票（centralman@nextmedia.com），郵遞概不受理。
中環寸嘴風水位歎「尿兜翅」
去鏞記唔好同我講食燒鵝，搵個風水靚位先，，三樓近升降機口及樓梯有個角落位，風水最佳，連幫豐睇風水龍景銓師傅都揀呢度，邊食邊吸旺氣，訂唔到呢張，佢老人家唔去o架。今期訂了一鍋「尿兜翅」，又叫振邦翅，呢個翅夠招積呀，個兜面有個窿，注入熱滾水，暖住兜翅食，點解叫振邦金勾翅呢，係當年梁振邦呢位建築商，親自畫個圖，叫鏞記訂造四十個，到家陣每層樓只剩兩個，所以想用尿兜翅請一圍客都好難咯。七十年代梁振邦被誠哥羅致做其御用建築商，鏞記行落一條街就有幢振邦大廈！鏞記，最飲恨係未食過碗五百大元紅豆沙，僆仔剛出來打滾時，一碗翅都係一百蚊，何來五百蚊碗紅豆沙呢？唔捨得食，超！原來貴在陳皮，有錢伯父年紀大消化力弱，加陳皮易消化。坐鏞記，令我緬懷個小學同學仔鏞記太子爺甘琨岐，學校大旅行，我負責管數，佢鋪頭一百條燒鵝頸來野餐，話要收番一蚊雞喎，時一支維他奶都係兩毫子，原來佢話燒鵝頸係伙記下欄，要番一蚊雞返鋪頭交數；仲同我講全班四十人，就算每人吮兩條，都剩廿條，叫我返屋企煲粥喎，真係唔夠佢度！工廈大王楊耀松長子，是各大有名食肆之VIP，喜歡研究已故及城中有錢佬對食之喜好，強調「貴」唔等如識食，自詡分享食經乃是提升讀者之水平。
腳趾露辛酸
近期紅爆港澳兩地甚至海外洗米華，可謂無人不識；之不過有人問小宗，何解佢有「拇指外翻」？濠江中人告之，洗米華發達前，係崩牙駒條，專企回力球場外拉客做疊碼仔，著住對波鞋跑數，好鬼搏命，有「爆數王」美譽，所以話，英雄莫問出處。專家指做手術可糾正拇指外翻，但要坐輪椅一個月，咁對於洗米華來說太奢侈吧！