2015年1月第4周升跌回顧.... Edward Lee 發掘十倍股

首先講句唔好意思,因為股票LIST1月1之後都無更新....
今個月上市新股都無包括,所以半新股狂炒都無出現...
現已更新.........
https://docs.google.com/spreadsheets/d/14hudS6R6dw8ccpTeXOowUcTXWZRmCQ4NW8jpEMID8Xo/edit?usp=sharing
今周兩大主題,半新股+大波幅毫子股.....
半新股代表都係12月31開始招股果5隻其中4隻及部份12月上市新股~

4寶係日成,泰加,新龍,科勁(科勁係先大插後大升)
我只係簡單睇過下呢幾間公司概要,真係睇唔出有咩值口炒,成交額仲要咁大~
只能講呢幾間野都係由未聽過既公司保薦上市,唔係傳統大行....
係咪傳統莊家公司,大家自行判斷~
創僑,建勤環球同埋天財資本,無咩好分析,資金流動造成既股價上漲~
如果大家有心得歡迎指教....

一周升5%以上既股有115隻
以行業看,統計如下~(只列出3間或以上)
606 建築相關6 261 醫療保健6 600 內房5 704 科技軟件4 509 證券/融資4 104 貴金屬3 203 紡織製衣3 301 支援服務3 361 廣告3 230 汽車股3 404 電訊設備3 184 航空服務3 101 有色金屬及礦石3 231 汽車零部件及維護3 242 乳品相關3 705 智能卡/資訊科技器材3

最多是建築相關,有6間,包括日成+137%,可能由佢帶動~
除左佢仲有迪臣+32%,俊和+29%,震昇(半新股)+28%,鵬程亞洲+14%,城建+5.2%
唔太熟呢D,不過好似都係香港建築有關,香港建築工程係幾好景架,生意好到建築工人都唔夠用(但有人話係建築商唔肯出高價請人,所以請唔到)留意下呢個板塊,有機會搵到寶,而且呢D冷門野都資金炒,一定有D野囉~

同樣有6間公司既行業係醫療保健,
天洋國際,恆發洋參,BBI生命,威高,微創醫療,恆安,升幅5-9%
之前曾經升過一野既奧星,星期5都郁返D,不過成交少,周升跌篩走左~

內房果5間都不是傳統大型內房,但內房係開始升返D
果5間係上海證大,華僑城,和記港陸,豐盛控股,首創置業

科技軟件係中訊,金山,聯眾,天鴿,另外騰率周升8.9%,
金山有小米向騰訊買返2.X%股權就由潛水狀態復活.....

證券/融資有申銀,時富投資,美建,時富金融,敦沛,4間港資,又炒收購?

貴金屬,有紫金,招金,中國黃金國際,金價重上1300,留意埋銀~

汽車股有華晨,吉利,比亞迪,汽車股今周表現算強,開始有人留意到估值低
銷量開始升返呢個因素,除左日系車唔會表現好,其他都可以留意~
另外汽車零件如新晨動力,正道,耐世特都有唔錯升幅.....

乳業股有合生元翻生升20%,澳優雅士利升6-8%

航空股南航,國泰,國航都升,油價跌,不過有人話油價跌對航空幫助可能低過預期~
小心太一廂情願~

其他都無咩特別野講...
暫時個人認為上面果D仲有得炒既行業
建築,醫療,汽車及相關,乳業要再睇係咪轉勢~證券仲有機會~
內房都有機會,之前大插都反彈返~

有D行業之前好弱突然轉強,如果你唔係日日跟蹤住,根本唔會預計到~
好似合生元呢隻你唔見佢升都唔會知佢又有人炒返,未必同基本面有關~
又好似金山咁,如果無消息又係唔會有人炒~
基本因素/行業走勢預測唔到突發消息,唔係每個升幅都可以預測~
努力做功課總會有回報~

諗下歐洲QE之後,有咩股會受惠?????