2014-07-11 NM
李國寶（東亞銀行董事局主席兼行政總裁），李兆基（恆基兆業、中華煤氣董事局主席再加新鴻基地產董事局副主席），一個銀行家，一個地產商，都係有錢佬，但唔使㩒計數機，講身家，點都係四叔多一大截。
75歲李國寶返工出街，除咗有司機接送，冇保鏢！早排《壹》仔見到佢走咗去Landmark間Laduree買macaron，買完行返去東亞銀行總行，全程一支公，自己搞掂。
李國寶獨來獨往，86歲嘅李兆基就大陣仗得多。
上星期日，四叔去中環剪髮，四個西裝保鏢護送，喺皇后大道中落車，四保鏢一字排開，有前有後夾住老細喺中間；行到去商場，搭自動電梯上樓，改陣式變一前三後。四叔扮靚仔一粒鐘，保鏢亦冇鬆懈，甚至高空站崗，由上而下，留意商場內有冇任何可疑人物。
身家有幾厚？同身邊有幾多個保鏢？絕對掛鈎。