http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20121215/18101890
肥仔K俾母校英文老師捉咗返學校，做英文朗誦比賽臨時教練，負責催谷四位中一、中二學生，老師對佢有提拔之恩，師命不敢不從，如是者為學生「補習」咗兩個月，每星期一至兩次，到比賽之期嘞，肥仔K心思思，放心不下，雖然時間不合，都係走咗去睇比賽，為學生打氣。呢啲地區校際賽，肥仔K間學校本來有把握攞到獎牌嘅，點知有兩位著名英中學生由九龍入嚟比賽（據講以學校名義就唔得，以個人報名就可以跨區），肥仔K為之窒咗一窒，再睇吓人地九龍名校學生有父母到場壓陣，自己啲學生就話父母要返工，唔得閒，叫佢地自己搞掂，就知道人家有必勝決心啦。果然，冠軍由喇沙一位學生贏得冠軍，有86分，肥仔K啲學生得84、83分，不入三甲，未免失望，但回心一諗，地區中學學生嘅factor endowment（天賦因素，經濟學術語）有所不如，輸得心服口服。早前亦有家長投訴「一年一學藝」，搞到中下層學生家長疲於奔命，荷包乾塘，就係呢個道理，參加課外活動，校外比賽，無錯係有助學生發展，不致於讀死書，但真係要學得好，學得精，贏到冠軍，要有資源在後面支援嘅呢！
肥仔K話：「睇呢位冠軍學生之表現，平時一定係有良師指點，催谷到足，唔似我啲學生每星期頂多兩晚放學後聽我呢位校友，業餘、非專業性、無償授課個幾小時。」
說得有道理吖，依家講現代教育方式，學藝喎，電子教科書喎，平板電腦喎，網上交功課喎，聽起上嚟好先進，諗落無不在在需財，要「學藝」老師啦，名校唔當彈鋼琴、拉小提琴係一門學藝㗎，只當係讀書、睇報紙咁簡單一回事，人人都識嘅普通科，買iPad啦、寬頻上網啦，下載收費Apps啦，試問一般家長點頂，與呢啲使費比較，每年用三千蚊買紙印教科書，原來好鬼便宜，而且可以申請書簿津貼㖭。教育局大力宣傳電子教科書，鼓勵不背書，注重學藝，其實係無意間擴闊貧富懸殊，對清貧子弟讀書不利。以前揸本書，拎支筆就可以苦讀上大學，依家要有一流電子裝備：iPad、電腦、iPhone、無限上網……先至醒目、夠用。唔怪得電子科技發源地矽谷嘅科技專家要送子女入最古老傳統學校──不准用電腦，只准用鉛筆嘅學校啦，返璞歸真至能夠啟動學生腦袋運算及思維呀！
（更正：昨日本欄指彼得奧圖已逝世，實誤，他仍然在生。謹此致歉！）
肥仔K俾母校英文老師捉咗返學校，做英文朗誦比賽臨時教練，負責催谷四位中一、中二學生，老師對佢有提拔之恩，師命不敢不從，如是者為學生「補習」咗兩個月，每星期一至兩次，到比賽之期嘞，肥仔K心思思，放心不下，雖然時間不合，都係走咗去睇比賽，為學生打氣。呢啲地區校際賽，肥仔K間學校本來有把握攞到獎牌嘅，點知有兩位著名英中學生由九龍入嚟比賽（據講以學校名義就唔得，以個人報名就可以跨區），肥仔K為之窒咗一窒，再睇吓人地九龍名校學生有父母到場壓陣，自己啲學生就話父母要返工，唔得閒，叫佢地自己搞掂，就知道人家有必勝決心啦。果然，冠軍由喇沙一位學生贏得冠軍，有86分，肥仔K啲學生得84、83分，不入三甲，未免失望，但回心一諗，地區中學學生嘅factor endowment（天賦因素，經濟學術語）有所不如，輸得心服口服。早前亦有家長投訴「一年一學藝」，搞到中下層學生家長疲於奔命，荷包乾塘，就係呢個道理，參加課外活動，校外比賽，無錯係有助學生發展，不致於讀死書，但真係要學得好，學得精，贏到冠軍，要有資源在後面支援嘅呢！
肥仔K話：「睇呢位冠軍學生之表現，平時一定係有良師指點，催谷到足，唔似我啲學生每星期頂多兩晚放學後聽我呢位校友，業餘、非專業性、無償授課個幾小時。」
說得有道理吖，依家講現代教育方式，學藝喎，電子教科書喎，平板電腦喎，網上交功課喎，聽起上嚟好先進，諗落無不在在需財，要「學藝」老師啦，名校唔當彈鋼琴、拉小提琴係一門學藝㗎，只當係讀書、睇報紙咁簡單一回事，人人都識嘅普通科，買iPad啦、寬頻上網啦，下載收費Apps啦，試問一般家長點頂，與呢啲使費比較，每年用三千蚊買紙印教科書，原來好鬼便宜，而且可以申請書簿津貼㖭。教育局大力宣傳電子教科書，鼓勵不背書，注重學藝，其實係無意間擴闊貧富懸殊，對清貧子弟讀書不利。以前揸本書，拎支筆就可以苦讀上大學，依家要有一流電子裝備：iPad、電腦、iPhone、無限上網……先至醒目、夠用。唔怪得電子科技發源地矽谷嘅科技專家要送子女入最古老傳統學校──不准用電腦，只准用鉛筆嘅學校啦，返璞歸真至能夠啟動學生腦袋運算及思維呀！
（更正：昨日本欄指彼得奧圖已逝世，實誤，他仍然在生。謹此致歉！）