http://hk.apple.nextmedia.com/supplement/columnist/%E5%B7%A6%E4%B8%81%E5%B1%B1/art/20130122/18141974
施政報告內容最多注重土地房屋，其次係環保空氣，其他如教育、醫療、安老、扶貧、經濟發展等等等，講嚇啫，成立委員會研究研究，總之有拖無欠。其中成立一個金融發展局，為有限公司，長遠會成為一個自給自足嘅機構，令人看得糊塗。金融發展局係特區政府在梁特首主導下，一手推動成立嘅，並非金融界主觀意願，經由政府創辦，以後就話要由業界供養（即自給自足），然則錢從何來，金融發展局（簡稱金發局）去邊度搵收入？叫銀行、經紀行捐款呀？旅遊界有旅發局，錢從政府來，工貿界有貿發局，錢從政府來，金融界又要成立一個金發局，錢從業者來？笑話也。
講施政報告，市民年年都係最關心房屋。梁特首開出不少期票，大都在2018年後兌現，未來五年嘅土地房屋供應數量，仍然係曾蔭權政府時期訂立嘅，短期內難以改變，梁政府自誇適度有為，要在市場失敗時干預市場，從今年嘅施政報告就睇得到，梁政府要在房屋市場大幹一番，雖然未，至於推跌樓價，但野心不少，大有麥理浩十年建屋嘅意圖。
只不過，任何政府干預市場，往往捉摸唔到市場關鍵轉角時刻，到頭來往往事與願違。嗱，據梁特首規劃，五年後香港房屋供應大增，有利平穩樓價，咁大家留意嚇聯繫匯率咯噃，匯率制度不改變，港元利率隨美元利率而變，美元利率隨美國失業率而變，伯南克及聯儲局承諾2015年中之前不會加息，又話美國失業率未降至6.5%左右，美國不會加息，現時失業率係7.8%，大部份經濟師預期今年美國經濟增長較快，有利拉低失業率。即係話，以後幾年美國復甦，中國保8嘅話，到咗2018年，美元利率及港元利率大有機會可能上升，剛剛碰著香港房屋供應大升之時，試想像，目前樓價高，通脹高，供樓負擔不成問題，全靠超低利率，但到咗利率回升之時，一般市民是否可以頂得住今天嘅高樓價？對梁振英嚟講，佢嘅最壞情況就係到咗2017年，利率開始上揚，樓宇預期供應上揚，釀成樓價大跌，新入市人士變成負資產人士，怨氣全部落在梁振英身上，佢仲要競選連任喎，大件事。
施政報告內容最多注重土地房屋，其次係環保空氣，其他如教育、醫療、安老、扶貧、經濟發展等等等，講嚇啫，成立委員會研究研究，總之有拖無欠。其中成立一個金融發展局，為有限公司，長遠會成為一個自給自足嘅機構，令人看得糊塗。金融發展局係特區政府在梁特首主導下，一手推動成立嘅，並非金融界主觀意願，經由政府創辦，以後就話要由業界供養（即自給自足），然則錢從何來，金融發展局（簡稱金發局）去邊度搵收入？叫銀行、經紀行捐款呀？旅遊界有旅發局，錢從政府來，工貿界有貿發局，錢從政府來，金融界又要成立一個金發局，錢從業者來？笑話也。
講施政報告，市民年年都係最關心房屋。梁特首開出不少期票，大都在2018年後兌現，未來五年嘅土地房屋供應數量，仍然係曾蔭權政府時期訂立嘅，短期內難以改變，梁政府自誇適度有為，要在市場失敗時干預市場，從今年嘅施政報告就睇得到，梁政府要在房屋市場大幹一番，雖然未，至於推跌樓價，但野心不少，大有麥理浩十年建屋嘅意圖。
只不過，任何政府干預市場，往往捉摸唔到市場關鍵轉角時刻，到頭來往往事與願違。嗱，據梁特首規劃，五年後香港房屋供應大增，有利平穩樓價，咁大家留意嚇聯繫匯率咯噃，匯率制度不改變，港元利率隨美元利率而變，美元利率隨美國失業率而變，伯南克及聯儲局承諾2015年中之前不會加息，又話美國失業率未降至6.5%左右，美國不會加息，現時失業率係7.8%，大部份經濟師預期今年美國經濟增長較快，有利拉低失業率。即係話，以後幾年美國復甦，中國保8嘅話，到咗2018年，美元利率及港元利率大有機會可能上升，剛剛碰著香港房屋供應大升之時，試想像，目前樓價高，通脹高，供樓負擔不成問題，全靠超低利率，但到咗利率回升之時，一般市民是否可以頂得住今天嘅高樓價？對梁振英嚟講，佢嘅最壞情況就係到咗2017年，利率開始上揚，樓宇預期供應上揚，釀成樓價大跌，新入市人士變成負資產人士，怨氣全部落在梁振英身上，佢仲要競選連任喎，大件事。